Святлана Ціханоўская сустрэлася са старшынёй Рады БНР Івонкай Сурвілай
Івонка Сурвіла прывітала спадарыню Ціханоўскую і яе паплечнікаў як прадстаўнікоў «новай хвалі змагароў за незалежнасць і лепшую долю беларускага народа».
«Яднае нас з вамі любоў да нашай Бацькаўшчыны Беларусі, гонар якой мы сёння мусім разам бараніць дзеля ганебнай вайны, развязанай нашым найбліжэйшым суседам», — сказала старшыня Рады БНР.
Яна нагадала, што цягам дзесяцігоддзяў у часы СССР Рада БНР пераконвала свет, што беларусы маюць права на волю і на сваю незалежную дзяржаву. «У Беларусі ў той час за адно толькі слова незалежнасць пагражала турма — гэтак, як сёння яна пагражае за «Пагоню», бел-чырвона-белы сцяг», — сказала Івонка Сурвіла.