У Расіі будуць саджаць і штрафаваць за карты, дзе анексаваныя рэгіёны Украіны не пазначаныя тэрыторыяй Расіі
Дзярждума ў першым чытанні прыняла законапраект аб штрафах за распаўсюджванне карт, якія «аспрэчваюць тэрытарыяльную цэласнасць Расіі». Самі такія карты будуць аднесеныя да «экстрэмісцкіх» матэрыялаў.
У выпадку прыняцця закона за распаўсюджванне картаў, на якіх анексаваныя ўкраінскія рэгіёны не паказаныя як частка РФ, грамадзяне могуць быць арыштаваныя на тэрмін да 15 сутак, а юрыдычныя асобы — аштрафаваныя на суму да мільёна расійскіх рублёў (каля $14 200).