Часова зачыніўся папулярны мінскі клуб
Папулярная канцэртная пляцоўка ў Мінску Prime Hall заявіла аб прыпыненні працы «па тэхнічных прычынах».
Клуб не працуе з 15 студзеня.
«З 15 студзеня 2023 года Prime Hall часова прыпыняе сваю дзейнасць па тэхнічных прычынах. Інфармацыя пра дату адкрыцця будзе размешчана дадаткова на нашым сайце і ў сацыяльных сетках», — гаворыцца на сайце клуба.
Prime Hall знаходзіцца ў «Кароне Замак», што на праспекце Пераможцаў, і належыць Паўлу Тапузідзісу.