Хрысціянская візія: Да крымінальнай справы на дзяўчынак, што спалілі папяровую ікону, прыклаў руку мітрапаліт Веніямін
Паводле інфармацыі «Хрысціянскай візіі», кіраўнік БПЦ Веніямін асабіста патрабаваў перадаць у Следчы камітэт відэа з царкоўных камер назірання, на якім дзяўчынкі трымаюць падпаленую папяровую ікону.
У выніку непаўналетнія былі затрыманыя і супраць іх была заведзена крымінальная справа па ч. 2 арт. 339 КК Беларусі (злоснае хуліганства). Ксеніі С. і Веры П. пагражае да 6 гадоў пазбаўлення волі.
Нагадаем, што 1 лютага ў праўладных тэлеграм-каналах з'явілася відэа з двума падлеткамі, якія 28 студзеня зрабілі фота з падпаленай іконай каля праваслаўнага кафедральнага сабора Мінска.