Каля Чарнобыля жыве статак дзікіх кароў, якія навучыліся выжываць самастойна. Іх нават не трэба даіць
Каровы належалі дзвюм семʼям, якія пасяліліся ў Чарнобыльскай зоне. У 2016 годзе нікога з гаспадароў не стала, яны памерлі, а статак пачаў жыць без людзей і здзічэў. Цяпер пры зʼяўленні чалавека або машыны каровы хутка ўцякаюць у найбліжэйшы гушчар.
З 2018 года за каровамі назіраюць навукоўцы Чарнобыльскага радыяцыйна-экалагічнага запаведніка. Яны кажуць, што жывёлы адчуваюць сябе добра.
Ад ветру і дажджу каровы хаваюцца ў закінутых пабудовах. Кармоў на тэрыторыі заказніка дастаткова. Зімой жывёлы выкопваюць капытамі сухую траву з-пад снегу.
Кароў не трэба даіць. Іх цыкл лактацыі змяніўся і цяпер звязаны з нараджэннем цялят.