На «Еўрабачанне» паедзе гурт, які ў песні кпіць з Пуціна і Лукашэнкі
Харватыя вызначылася з артыстамі, якія будуць прадстаўляць яе сёлета на «Еўрабачанні». Гэта гурт Let 3 з песняй Mama ŠČ. Гэтую песню лічаць сатырай на Пуціна і Лукашэнку.
Скрыншот з відэа выступу
У песні, з якой артысты едуць на «Еўрабачанне», спяваецца пра маму, якая купіла трактар, і «брыдкага маленькага псіхапата». Сцэнічныя касцюмы нагадваюць ваенную форму, сам саліст — Гітлера з чырвонымі вуснамі, а ў канцы на сцэну выносяцца муляжы ядзерных ракет.
Гурт Let 3 існуе з 1987 года. Ён вядомы сваім правакацыйным стылем і незвычайнымі жывымі выступамі, адзначае Сroatiaweek.
«Еўрабачанне» сёлета пройдзе ў Ліверпулі. Беларусь і Расія да конкурсу не дапушчаныя.