Напярэдадні 8 Сакавіка махляры запусцілі «святочныя» схемы падману
Перад 8 Сакавіка расце махлярства праз інтэрнэт па продажы кветак.
Злачынцы рэгіструюцца ў сацыяльных сетках, ствараюць фальшывыя кветкавыя крамы, завабліваюць кліентаў нізкімі цэнамі і акцыямі з велізарнымі зніжкамі. Пасля атрымання грошай у якасці перадаплаты ашуканцы перастаюць выходзіць на сувязь.
За апошнія некалькі тыдняў ахвярамі такога махлярства сталі больш за 20 жыхароў Віцебскай вобласці, піша УУС Віцебскага аблвыканкама.