Як у Вільні праходзіць традыцыйны кірмаш Казюкі ШМАТ ФОТА
Казюкамі называюць традыцыйныя веснавыя кірмашы ў гонар святога Казіміра. У гэтыя дні прадаюць упрыгожаныя вербы да Вербніцы, а таксама прадукцыю рамеснікаў і фермераў. Кірмаш у сталіцы Літвы пачаўся ў пятніцу і працягнецца да канца выхадных.
Казюкі таксама ладзяць і ў Гродне, але ў Беларусі кірмаш праходзіць куды больш сціпла.
А вось у Вільні тысячы палатак расцягнуліся на 3 кіламетры ад Лукішак да Зарэчча. Былі сярод іх і беларускія — рамеснікаў і Беларускага музея.