На ўсіх межах узмоцнены кантроль
Аднак межы застаюцца адкрытымі.
Як паведамілі NN.BY у Дзяржаўным памежным камітэце, на ўсіх памежных пунктах пропуска ўведзены ўзмоцнены прапускны кантроль.
Памежнікі ад пятніцы ўжываюць маскі і іншыя сродкі абароны ад вірусных захворванняў.
Праводзіцца апытанне ўсіх, хто перасякае дзяржаўную мяжу Беларусі, а таксама візуальны нагляд.
Пры выяўленні прыкметаў захворвання памежнікі звяртаюцца па дапамогу да медыкаў. У прэс‑службе Дзяржаўнага памежнага камітэту адзначылі, што ўсе мерапрыемствы праводзяцца сумесна з Міністэрствам аховы здароўя.
Акрамя вышэйпералічаных мераў, пакуль нічога не прадпрымаецца. Памежныя службы працуюць у звычайным рэжыме.