Пачалася праца над пятым мультфільмам пра Шрэка
Творчы партнёр DreamWorks Крыс Меледандры паведаміў, што кінастудыя знаходзіцца на стадыі прадакшн пятай часткі мультфільма «Шрэк».
У прыватнасці, студыя вядзе перамовы аб удзеле акцёраў агучвання з мінулых частак фільма: Майка Маерса, Кэмеран Дыяс і Эдзі Мэрфі — у новай частцы.
«Мы чакаем, што акцёры вернуцца. Перамовы пачынаюцца ўжо цяпер, і ўсе прыкметы кажуць пра тое, што акцёры з велізарным энтузіязмам чакаюць вяртання», — сказаў Меледандры ў інтэрв'ю Variety.
Аднаўленне працы над новай часткай «Шрэка» звязана з поспехам мультфільма «Кот у ботах 2: Апошняе жаданне», які сабраў у пракаце амаль $500 млн. Афіцыйнай даты выхаду мультфільма пакуль няма.
Апошняя частка прыгод Шрэка выйшла ў 2010 годзе.
Можа з’явіцца серыял паводле кніг пра Гары Потэра
Да каранацыі Карла III апублікуюць новы раман пра Джэймса Бонда
94-гадовая жанчына без адукацыі прачытала 1658 кніг за сваё жыццё