Лукашэнка расказаў Шайгу, якія яму патрэбны гарантыі ад Расіі
На сустрэчы з міністрам абароны РФ Сяргеем Шайгу Лукашэнка заявіў, што яму ад Расіі патрэбны гарантыі абароны беларускай тэрыторыі як уласнай.
«У выпадку агрэсіі супраць Беларусі Расійская Федэрацыя абараняе Беларусь як уласную тэрыторыю. Вось такія нам патрэбныя гарантыі бяспекі», — заявіў Лукашэнка.
Паводле яго слоў, Мінск і Масква павінны прааналізаваць дамовы, ці прыняць новую для «поўнай бяспекі Беларусі».
Сёння да Лукашэнкі раптоўна прыляцеў Сяргей Шайгу «на канкрэтную размову».
Лукашэнка на мінулым тыдні сустракаўся з Пуціным у Маскве, а ў Мінск прылятаў дырэктар знешняй разведкі Расіі Сяргей Нарышкін.