Сланіха з Берлінскага заапарка навучылася лупіць бананы, хаця ніхто яе гэтаму не вучыў
Звычайна сланы зʼядаюць бананы разам з лупінамі, аднак сланіха па мянушцы Панг Пха навучылася чысціць фрукт перад ужываннем.
Даследчыкі заўважылі, што сланіха чысціць толькі бананы з карычневымі плямамі, зялёныя і жоўтыя яна праглынае цалкам. Таксама Панг Пха зʼядае фрукт цалкам, калі знаходзіцца ў групе з іншымі сланамі.
Хутчэй за ўсё, яна разумее, што на ачыстку бананаў спатрэбіцца час, і пакуль астатнія ядуць іх цалкам, ёй можа нічога не дастацца.
Па словах навукоўцаў, Панг Пха магла навучыцца здымаць лупіны з бананаў, назіраючы за людзьмі. У іншых сланоў Берлінскага заапарка такога навыку пакуль няма.
Чытайце таксама:
У Гродзенскім заапарку чарговае папаўненне. Паглядзіце, якая малеча там нарадзілася