Беларускія памежнікі зноў парушылі літоўскую мяжу
Служба аховы дзяржаўнай мяжы Літвы заявіла, што беларускі памежнік сёння зноў парушыў мяжу. Гэта адбылося раніцай у Салечніцкім раёне ў вёсцы Стакі.
Сістэма відэаназірання запісала, як два памежнікі ішлі ўздоўж мяжы. Азіраючыся, яны падышлі да мяжы. Адзін з памежнікаў перасек лінію мяжы, зайшоў на тэрыторыю Літвы на 2 метры і вярнуўся назад, паведамляе літоўскае памежнае ведамства.
Па гэтым факце пачалі папярэдняе расследаванне.
Гэта другі падобны выпадак за апошні тыдзень. 12 красавіка адзін з беларускіх памежнікаў ужо заходзіў на тэрыторыю Літвы на адлегласць каля аднаго метра. У сувязі з гэтым інцыдэнтам Літва накіроўвала Беларусі ноту пратэсту.
Чытайце таксама:
Прэзідэнт Польшчы заявіў, што Беларусь можа сканцэнтраваць мігрантаў у раёне Сувалкскага калідора
Літва сцвярджае, што спыніла імпарт падсанкцыйнай драўніны з Беларусі і Расіі