Пачынаецца адпраўка прызыўнікоў у войска
На ўкамплектаванне беларускай арміі плануюць адправіць 10 тысяч хлопцаў.
У сераду, 26 красавіка, у Беларусі пачынаецца адпраўка навабранцаў на тэрміновую вайсковую службу, паведамляе Мінабароны.
Маладыя людзі адправяцца ў злучэнні і вайсковыя часці, а таксама ва ўнутраныя войскі, органы пагранічнай службы і дзяржбяспекі.
Усяго на ўкамплектаванне беларускай арміі ў красавіку-маі плануецца накіраваць каля 10 тысяч чалавек — гэта стандартная лічба для вясновага прызыву. Як чакаецца, медыцынскія камісіі пройдуць каля 40 тысяч хлопцаў ад 18 да 27 гадоў.
Прызыў праходзіць з 26 красавіка і працягнецца да 5 мая. Ваенная прысяга запланавана на 20 мая.