У ноч на 9 мая таксама чакаюцца замаразкі. Але неўзабаве стане цяплець
Сіноптыкі расказалі пра надвор'е 9—11 мая.
9 мая надвор'е будзе вызначаць антыцыклон, сфармаваны ў халоднай паветранай масе. Будзе без ападкаў. Ноччу на большай частцы тэрыторыі краіны замаразкі 0..-5°С, месцамі +1..+5°C; Днём паветра прагрэецца да +12..+18°С. У Мінску +14°С.
10 мая надвор'е таксама будзе вызначаць халодны скандынаўскі антыцыклон. Ноччу не абыдзецца без замаразкаў: 0..-3°С; днём будзе +12..+19°С. У Мінску +14°С.
У чацвер, 11 мая месцамі на глебе чакаюцца замаразкі 0..-3°С; максімальная тэмпература паветра днём да +14..+21°С. У Мінску +16°С.
З пятніцы стане яшчэ цяплей. У Мінску ў пятніцу—нядзелю чакаецца +18—21°С.