На Валадарцы Бабарыкі няма, ён «у Калядзічах». Так адказалі ў СІЗА-1
Сваякі Віктара Бабарыкі сёння былі ў СІЗА-1 на Валадарскага і там ім сказалі, што такога вязня ў іх няма, паведамілі ў сваім тэлеграм-канале палітычныя паплечнікі палітвязня.
У той жа час аднаму з валанцёраў, які таксама звярнуўся ў СІЗА на Валадарскага, паведамілі, што Віктар Бабарыка нібыта знаходзіцца ў бальніцы «ў Калядзічах».
Два тыдні таму стала вядома, што Віктар Бабарыка быў шпіталізаваны ў бальніцу ў ноч з 24 на 25 красавіка — далейшае месцазнаходжанне палітвязня невядомае. Учора з'явілася інфармацыя ад праваабаронцаў, што да свайго атрада ў наваполацкай калоніі ён нібыта ўжо не прыпісаны, а пасля — пра тое, што яго нібыта перавялі ў турэмную бальніцу пры СІЗА-1 у Мінску.
Чытайце таксама:
Віктара Бабарыку маглі перавесці ў бальніцу мінскага СІЗА — што гэта кажа пра яго здароўе?
Еўрапарламент заклікаў вызваліць Віктара Бабарыку
Былы палітвязень з наваполацкай калоніі расказаў, якога кампрамісу патрабавалі ад Бабарыкі