Instagram можа ўлетку прэзентаваць канкурэнта Twitter
Ён будзе асобна ад Instagram, але дазволіць людзям аб'ядноўваць акаўнты.
Фота: «Наша Ніва»
Instagram плануе выпусціць тэкставы дадатак, які будзе канкураваць з Twitter. Пра гэта паведамляе Bloomberg.
Цяпер кампанія тэстуе ідэю новага праекта са знакамітасцямі і ўплывовымі асобамі. Сам дадатак можа ўбачыць свет ужо ў чэрвені гэтага года.
Адзначаецца, што ён будзе асобна ад Instagram, але дазволіць людзям аб'ядноўваць акаўнты. Таксама праект можа быць сумяшчальны з іншымі праграмамі — канкурэнтамі Twitter, уключаючы Mastodon.
Па словах выкладчыка сацыяльнага маркетынгу і ўплывовага маркетынгу ў Каліфарнійскім універсітэце Ліі Хаберман, Meta, якая валодае Instagram, можа апярэдзіць задуму Маска ператварыць Twitter у «дадатак для ўсяго» з мноствам функцый, акрамя інфармацыйных пастоў. Для гэтага Meta павінна проста кансалідаваць увесь досвед, які яны назапашваюць.