Затрымалі аршанскага шоўмена, які вяртаўся з Масквы — у яго праверылі тэлефон
22.05.2023 / 12:26
Як стала вядома оrsha.eu, 26-гадовы аршанец Канстанцін Баяндзін вяртаўся з Расіі, і ў яго праверылі мабільны тэлефон. Дзе гэта адбылося, не паведамляецца.
Канстанцін Баяндзін
Канстанцін Баяндзін працуе шоўменам у Маскве. Паводле інфармацыі выдання, ён уваходзіць у каманду вядомага блогера Улада Бумагі ці супрацоўнічаў з ёй.
Пакуль невядома, якую справу завялі на Баяндзіна — адміністрацыйную ці крымінальную.
Канстанцін скончыў факультэт журналістыкі БДУ, быў пераможцам конкурсу «Містар-журфак» і нават «Студэнтам года БДУ».