Буданаў аб контрнаступленні: Мінімум зброі ёсць, хутка пачнецца
Кіраўнік Галоўнага ўпраўлення разведкі Міністэрства абароны Украіны Кірыл Буданаў заявіў, што ва Украіны ўжо ёсць мінімальна неабходная колькасць узбраення, каб пачаць контрнаступленне.
Кірыл Буданаў. Фота: РБК
«Многія цывільныя асобы ўсё яшчэ знаходзяцца пад расійскай акупацыяй, і мы не можам больш губляць час. У нас ужо ёсць мінімум зброі і іншага абсталявання. Усё, што я магу сказаць, гэта тое, што гэта пачнецца неўзабаве», — сказаў ён у інтэрв’ю японскаму каналу NHK.
Буданаў адзначыў, што Украіна будзе выкарыстоўваць усе наяўныя сілы і сродкі для таго, каб выгнаць Расію з украінскіх тэрыторый. Для паспяховай аперацыі, паводле яго слоў, спатрэбіцца «значны запас зброі і боепрыпасаў».
Чытайце таксама:
Расіяне не мелі іншага плана захопу Кіева, як высадка ў Гастомелі — Буданаў
Адгарадзіцца ад РФ 100-кіламетровай зонай бяспекі: галоўны разведчык Украіны назваў адну з мэт вайны
У баях за Бахмут загінулі 10 тысяч зняволеных і 10 тысяч штатных байцоў ПВК «Вагнер» — Прыгожын