«Мне спадабалася: правільна гулялі» — галоўны трэнер пра матч з Косава
Галоўны трэнер зборнай Беларусі Георгій Кандрацьеў пракаментаваў перамогу над Косавам (2:1) у адборы да ЧЕ—2024.
Георгій Кандрацьеў. Фота: sport5.by
«Рады, што атрымалі сёння перамогу. Хлопцы заслужылі яе. Велізарную працу на полі выканалі. Самае галоўнае, што мне спадабалася, — правільна гулялі. Хаця самі сабе ў канцы матча ўскладнілі жыццё. Перажылі трывожныя хвіліны, але перавялі мяч на чужую палову і перамаглі ў выніку.
Мы добры матч правялі — маглі і ў першым тайме забіваць. У Косава момантаў не было, а ў нас чатыры-пяць», — цытуе Кандрацьева sport5.by.
Нагадаем, што зборная Беларусі спыніла ўчора серыю без перамог, што цягнулася з вясны 2021 года. У матчы адборачнага турніру да Еўра-2024 беларусы выйгралі ў Косава з лікам 2:1.
Наша каманда ўзнялася на 4-е месца ў групе, апярэдзіўшы Косава і Андору. Наступныя матчы пройдуць у верасні — з Ізраілем і Андорай.
Чытайце таксама: