Гродзенскую актывістку Анжаліку Арэхву не выпусцілі з Беларусі
Сёння актывістка польскага руху з Гродна Анжаліка Арэхва хацела выехаць з Беларусі, але яе не выпусцілі, паставіўшы ў пашпарце адпаведны штамп.
«Сёння мяне не выпусцілі з Беларусі. Пра прычыну сказалі даведацца ў РАУС. Такая беларуская рэальнасць у 2023 годзе», — напісала Арэхва ў фэйсбуку і апублікавала фота штампа ў пашпарце.
Анжаліка Арэхва — колішняя актывістка непрызнанага ўладамі Саюза палякаў у Беларусі і былая жонка музыкі Ігара Банцара. У 2022 годзе яе судзілі паводле адміністрацыйнага артыкула аб распаўсюдзе «экстрэмісцкіх» матэрыялаў.