САХР затрымаў чатырох жыхароў Фаніпаля за ўдзел у акцыі пратэсту амаль тры гады таму
Відэа з імі апублікавалі праўладныя тэлеграм-каналы. Праваабаронцам вядома, што сярод затрыманых Аляксандр Маргун і Алег Абцэшка. Затрымліваў іх САХР у поўным абмундзіраванні.
У жніўні 2022-га года сілавікі завялі крымінальную справу паводле ч. 1 арт. 342 КК за ўдзел у акцыях пратэсту ў жніўні 2020-га года ў Фаніпалі.
Лічба фігурантаў гэтай справы ідзе на дзясяткі — шмат каго па ёй ужо асудзілі да пазбаўлення або абмежавання волі.