ЕС рыхтуе новыя санкцыі да гадавіны выбараў у Беларусі
На гэты момант у дачыненні да беларускіх уладаў уведзена шэсць пакетаў санкцый, апошні быў прыняты каля года таму.
Фота: «Наша Ніва»
Да 9 жніўня, трэціх угодкаў выбараў у Беларусі, Еўрапейскі саюз мае намер прыняць новы пакет санкцый у сувязі з парушэннем правоў чалавека ў Беларусі, паведамляе Detsche Welle.
Паводле інфармацыі высокапастаўленага чыноўніка ЕС, паралельна ідзе абмеркаванне яшчэ аднаго пакета санкцый, звязанага з саўдзелам Беларусі ў ваеннай агрэсіі Расіі супраць Украіны. Брусель не прызнаў вынікаў прэзідэнцкіх выбараў 2020 года ў Беларусі. На гэты момант у дачыненні да беларускіх уладаў уведзена шэсць пакетаў санкцый, апошні быў прыняты каля года таму.