Рэзнікаў: Украіна працягне наносіць удары па Крымскім мосце
25.07.2023 / 8:47
«Гэта нармальная тактыка — разбураць лагістычныя маршруты ворага», — кажа міністр абароны Украіны.
Пашкоджаны Крымскі мост. Фота з тэлеграм-канала Mash
Сілы абароны Украіны працягнуць наносіць удары па акупаваным расейцамі Крыме і Крымскім мосце, бо гэта трэба, каб разбурыць лагістыку ворага, сказаў Аляксей Рэзнікаў у інтэрв'ю СNN
«Усе гэтыя цэлі з'яўляюцца афіцыйнымі, бо (удары па іх) паменшаць здольнасць расейцаў ваяваць супраць нас і дапамогуць выратаваць жыцці ўкраінцаў… Гэта нармальная тактыка — разбураць лагістычныя маршруты ворага, каб спыніць яго магчымасці атрымаць больш боепрыпасаў, паліва, харчавання і гэтак далей. Таму мы будзем выкарыстоўваць гэтую тактыку супраць іх», — сказаў міністр абароны Украіны.
Прэзідэнт Уладзімір Зяленскі раней заявіў, што Крымскі мост для Украіны з'яўляецца законнай цэллю, бо ім акупанты перавозяць зброю.