Украіна ўжо на наступным тыдні пачне перамовы з ЗША адносна гарантый бяспекі
Кіраўнік Офіса прэзідэнта Украіны Андрэй Ярмак заявіў, што перамовы са Злучанымі Штатамі пачнуцца ўжо на наступным тыдні. Ён адзначыў, што пакуль ідзе вайна і Украіна не можа ўступіць у НАТА, украінская дзяржава мае «заручыцца надзейнымі гарантыямі на пераходны перыяд».
Прэзідэнт ЗША Джо Байдэн і прэзідэнт Украіны Уладзімір Зяленскі на саміце НАТА ў Вільні. Фота: AP Photo / Susan Walsh
Андрэй Ярмак нагадаў, што на саміце НАТА ў Вільні ўхвалілі супольную дэкларацыю аб гарантыях бяспекі для Украіны. З краінамі, якія да яе далучыліся, Украіна мае стварыць сістэму двухбаковых дамоў. Са Злучанымі Штатамі перамовы аб гарантыях бяспекі пачнуцца на наступным тыдні.
«Гарантыі па бяспецы для Украіны будуць канкрэтнымі і доўгачасовымі абавязкамі, якія забяспечаць здольнасць Украіны перамагаць цяпер і стрымліваць расейскую агрэсію ў будучыні. Гэта будуць дакладна апісаныя фарматы і механізмы падтрымкі», — падкрэсліў кіраўнік Офіса прэзідэнта.
Ярмак дадаў, што гаворка ідзе «пра абаронную і фінансавую падтрымку, а таксама пра санкцыі і пакаранне агрэсара».
Чытайце таксама:
«Паступова вайна вяртаецца на тэрыторыю Расіі, і гэта абсалютна справядлівы працэс» — Зяленскі