Ліквідуецца мінскі забаўляльны парк «Дрымлэнд», уласнік «страціў цікавасць да праекта»
Юрыдычную асобу, якая кіравала паркам «Дрымлэнд», ліквідуюць. Інфармацыя пра гэта з'явілася на сайце Адзінага дзяржаўнага рэгістра, заўважыў Office Life. Гэта, відаць, азначае, што перастане існаваць і сам парк.
Фота: Яндэкс-Карты
Парк быў зарэгістраваны ў 2014 годзе. Першапачаткова ў ім былі атракцыёны і адкрыты аквапарк.
Але ў апошнія гады ў «Дрымлэнда» былі вялікія цяжкасці. У выніку гэтым летам на тэрыторыі парку не адкрылася нават аквазона з басейнамі, а ў сярэдзіне ліпеня стала вядома, што кампанію ліквідуюць.
Як растлумачылі Office Life прадстаўнікі ліквідатара, рашэнне было прынята ўласнікам, які страціў цікавасць да праекта. На канец ліпеня крэдыторскай запазычанасці ў кампаніі няма, толькі бягучая — прыкладна адна тысяча рублёў.
Чытайце таксама:
SPA-пляж толькі для дарослых — што новага будзе ў аквапарках гэтым летам
Хлопец даў пакатацца сяброўцы і ўляцеў на вялікія грошы. Машына была каршэрынгавай