На Магілёўшчыне прайшло свята «У госці да радзімічаў»
Ужо дзясяты год запар у аграгарадок Радамля Чавускага раёна аматары старажытнай культуры з’язджаюцца, каб згадаць часы летапісных радзімічаў, паведамляе выданне «Магілёў. Media».
Сёлетні этнафэст «У госці да радзімічаў» парадаваў наведвальнікаў тэатралізаванымі дзеяннямі з удзелам клубаў гістарычнай рэканструкцыі, абрадамі, рытуаламі, здабычай жывога агню і паказальнымі баямі рэканструктараў.
Лічыцца, што тысячу гадоў таму паселішча Радамля было адным з радавых цэнтраў славянскага саюзу радзімічаў, якое адыграла важную ролю ў фармаванні беларусаў. Сведка тых даўніх стагоддзяў — помнік археалогіі Радамльскае замчышча.
Этнафестываль «У госці да радзімічаў» упершыню адбыўся ў 2014 годзе.
Фэст ужо стаў мясцовым брэндам.
Чытайце таксама:
У Бярэзінскім запаведніку пройдзе фэст славянскай міфалогіі «Шлях Цмока»
У Варшаве адбудзецца маштабны фэст беларускай музыкі
Да касцельнага фэсту ў Гудагаі зладзілі мотапілігрымку ШМАТ ФОТА