«Знайшлі ў яго ці то нататкі, ці то вершы. З ім пачалі весці працу». На мінулым тыдні ў Печах застрэліўся салдат — Флагшток
Самагубства здзейсніў салдат тэрміновай службы 72-га Аб'яднанага навучальнага цэнтра ў Печах Барысаўскага раёна. Гомельскаму выданню «Флагшток» удалося паразмаўляць з адным з салдатаў, якія праходзяць службу ў гэтай вайсковай частцы.
Фота: Радыё Свабода
Хлопец, паводле звестак выдання, застрэліўся ў ноч з 3 на 4 жніўня.
«Са стрэльбаў вынес нейкі спецыфічны патрон, галавы ў яго не засталося. Кажуць, ён не хацеў у войска. Адмазваўся. Але забралі. Нядаўна знайшлі ў яго ці то нататкі, ці то вершы. З ім пачалі весці працу. За яго ўзяўся галоўны ідэолаг. І пасля гэтага хлопец застрэліўся», — цытуе словы салдата «Флагшток».
Прэс-служба Мінабароны пра здарэнне не паведамляла.
Паводле звестак тэлеграм-канала «МотолькоПомогі», загінулага звалі Ілля.
Па інфармацыі «Нашай Нівы», імаверна, гаворка ідзе пра 307-ю школу ў Печах.
«Ідэолаг Пячэннік», пра якога згадвае крыніца «Флагштока», — гэта падпалкоўнік Дзмітрый Пячэннік, намеснік начальніка школы па ідэалогіі. Але «Наша Ніва» не мае інфармацыі, ці сапраўды ён займаўся салдатам, які загінуў.
У гэтай жа школе ўвосень 2021-га застрэліўся жаўнер. А летась у аднаго з курсантаў знайшлі перадсмяротную запіску. Тады гэта прадухілілі.