Мікрааўтобус з беларускімі рабочымі перакуліўся ў Татарстане
У Татарстана перакулілася «ГАЗель» з рабочымі, тры чалавекі ў бальніцы.
Фота: відавочцы / «Татар-інфарм»
13 жніўня раніцай у Альмецьеўскім раёне Татарстана адбылося ДТЗ з удзелам мікрааўтобуса, у якім знаходзіліся 8 чалавек. Пра гэта паведамляе «Татар-інфарм».
Як расказалі відавочцы, каля сямі раніцы паблізу вёскі Калейкіна мікрааўтобус «ГАЗель» перакуліўся ў кювет. Як распавялі людзі, у аўтобусе знаходзілася брыгада будаўнікоў з Беларусі.
Фота: відавочцы / «Татар-інфарм»
Па словах пасажыраў, падчас паездкі кіроўцу стала дрэнна, ён страціў прытомнасць.
У выніку ДТЗ пацярпелі тры чалавекі, іх павезлі на хуткай.
Фота: відавочцы / «Татар-інфарм»