Гарадзенцу, які ўваткнуў нож у галаву маці, далі восем гадоў калоніі
Тое здарэнне адбылося ў лістападзе летась. Позна ўначы моцна п'яны мужчына пасварыўся з 62-гадовай маці і некалькі разоў ударыў яе нажом у галаву.
Пасля гэтага ён выклікаў хуткую дапамогу і паведаміў міліцыі, што яго маці нібыта была збітая невядомымі.
Нарад, які прыехаў на месца выкліку, пабачыў жанчыну з кухонным нажом у правай скроні. Дзякуючы своечасовай медыцынскай дапамозе жанчына выжыла.
Суд Гродна вынес абвінаваўчы прысуд: сыну жанчыны прызначана восем гадоў у папраўчай калоніі строгага рэжыму, піша «Народная Воля».
Чытайце таксама:
У Мінску асудзілі тэлефонных махляроў. Яны тэлефанавалі пенсіянерам ад імя ахвяр ДТЗ
П'яны бяспраўнік за смяротнае ДТЗ на праспекце Пушкіна атрымаў 8 гадоў калоніі