Музыка Рома Звер зʼездзіў на Данбас і выступіў перад расійскімі вайскоўцамі. Да гэтага ён трапіў у чорныя спісы за антываенныя выказванні
Пра паездку Ромы Білыка, вядомага пад псеўданімам Рома Звер, у зону баявых дзеянняў паведаміў ваенкараўскі праект WarGonzo. Сцвярджаецца, што артыст выступіў перад байцамі дээнэраўскага атрада «Каскад».
Лідар гурта «Звери» выступіў на Данбасе. Скрын відэа
Пасля пачатку вайны расійскі музыка апублікаваў антываенныя пасты ў сацсетках. Пасля гэтага канцэртная дзейнасць яго групы трапіла пад негалосную забарону: так, яго выступ быў адменены на Пецярбургскім эканамічным форуме.
11 чэрвеня 2023 групу «Звери» з ініцыятывы Федэральнага праекта па бяспецы і барацьбе з карупцыяй пачалі правяраць на дачыненне да фінансавання УСУ.
Да паездкі на Данбас Білык выдаліў антываенныя пасты з сацсетак.
Бацька Ромы Звера — украінец. З 12 па 15 гадоў будучы музыкант жыў у Марыупалі. Пазней жыў і ў Кіеве. Пасля 2014 года гурт не даваў канцэртаў у Крыме.
Чытайце таксама:
Юрый Лаза заявіў, што космасу не існуе
У Крыме аштрафавалі трох дзяўчат, якія танцавалі пад песню Веркі Сярдзючкі
Алег Газманаў пра дзеянні Польшчы і Літвы: Як можна іх не пакараць? Трэба!