Яшчэ пяць адвакатаў пазбавілі ліцэнзій
Міністэрства юстыцыі працягвае пазбаўляць ліцэнзій адвакатаў. 31 жніўня спынілі ліцэнзіі ў дачыненні да Яўгена Ляўковіча і Алены Халупкі ў сувязі з выключэннем іх з калегій за ўчыненне правін, «несумяшчальных са званнем адваката».
Ліцэнзіі Сяргея Мядзведзева, Ларысы Суслікавай і Міхаіла Тарасюка спыненыя праз тое, што яны не прайшлі атэстацыю «з прычыны недастатковай кваліфікацыі».
Апошнія тры гады Міністэрства юстыцыі праз працэдуру атэстацыі адсейвае з прафесіі нелаяльных да ўладаў адвакатаў, у першую чаргу тых, хто абараняе палітзняволеных.
Чытайце таксама:
Міністр юстыцыі прапанаваў, каб адвакаты, якіх прынялі ў калегію да 2017 года, давалі прысягу
Яшчэ тры адвакаты не прайшлі пазачарговую атэстацыю