Валерый Залужны адкрыў чэлендж у Чачэрску
Напярэдадні Дня народнага адзінства тэлеграм-канал Чачэрскага райвыканкама запусціў анлайн-чэлендж «Рыфмуецца_з_Радзімай».
Яго ўдзельнікам прапануюць прачытаць верш пра Беларусь і размясціць відэаролік у сацсетках пад хэштэгам #Рыфмуецца_з_Радзімай.
Адкрыў чэлендж Валерый Залужны, фельчар брыгады хуткай медыцынскай дапамогі Чачэрскай ЦРБ.
Ён прачытаў верш «Мой край» Валерыі Бароўскай:
Мая зямля, мой родны дом
Завецца Беларуссю.
Я ведаю: пад тваім крылом
Заўсёды прытулюся.
У час трывогі і бяды
З табою мы адзіныя,
З любоўю шчыраю заўжды
Заву цябе Радзімаю.
Цікава тут тое, што хлопец — цёзка галоўнакамандуючага Узброенымі сіламі Украіны Валерыя Залужнага, які цяпер стаў сусветнай зоркай вайсковага майстэрства.