Белаграпрамбанк дазволіў здымаць грошы ў сваіх банкаматах без картак
У прэс-службе Белаграпрамбанка паведамілі, што цяпер, каб зняць наяўныя ў банкамаце з карткі Белкарт, саму картку мець пры сабе не абавязкова. Дастаткова смартфона на «Андроід» (або Harmony OS) з падтрымкай NFC і ўсталяванай на ім праграмай Белкарт Pay.
Калі вам трэба зняць грошы ў банкамаце (з падтрымкай бескантактных плацяжоў, наконт чаго на банкамаце мае быць спецыяльны значок), то можна паднесці да счытвальнай прылады смартфон і пацвердзіць аперацыю ўводам PIN-кода банкаўскай карткі. Такім жа чынам можна паглядзець і баланс рахунку.
У банку адзначылі, што за пералічаныя вышэй аперацыі банкам можа спаганяцца камісія.
Чытайце таксама:
У Гомелі прайшлі затрыманні банкаўскіх работнікаў
Беларусбанк прыпыняе прыём новых і папаўненне некаторых адкрытых укладаў у далярах