ЦАХАЛ: Баевікі ХАМАС, хутчэй за ўсё, утрымліваюць закладнікаў пад зямлёй

Прадстаўнік Арміі абароны Ізраіля назваў сітуацыю з закладнікамі вельмі складанай.

Эвакуацыя параненай жанчыны. Фота: Oren Ziv / AP

Ізраільскія ўлады лічаць, што захопленыя ХАМАС закладнікі знаходзяцца пад зямлёй. Пра гэта ў размове з CNN заявіў прадстаўнік арміі абароны Ізраіля (ЦАХАЛ) Джонатан Конрыкус.

«Розум падказвае, што яны знаходзяцца пад зямлёй. Розум таксама падказвае, што ХАМАС, калі ўжо яны хацелі правесці гэтую атаку і ўзяць гэтых людзей у закладнікі, павінен быў загадзя спланаваць месцы, дзе можна схаваць іх і абараніць ад ізраільскай разведкі і спробаў іх вызваліць», — сказаў Конрыкус.

Конрыкус назваў сітуацыю з закладнікамі «надзвычай адчувальнай і складанай тэмай».

Паводле яго слоў, Ізраіль ніколі не сутыкаўся з такой па сваім маштабе сітуацыяй.

На пытанне, ці з'яўляецца непазбежнай наземная аперацыя Ізраіля, ён адказваць адмовіўся.

Чытайце таксама:

Прэм'ер Ізраіля: Кожны чалец ХАМАС — гэта мярцвяк

У Ізраілі ў баі з ХАМАС загінула 25-гадовая ўраджэнка Беларусі. Яна працавала ў паліцыі

У Ізраілі ў выніку атакі ХАМАС загінуў яшчэ адзін ураджэнец Беларусі

Каментары да артыкула