Эрдаган больш не пярэчыць уступленню Швецыі ў НАТА
Лідар Турцыі Рэджэп Таіп Эрдаган ухваліў уступленне Швецыі ў шэрагі Паўночнаатлантычнага альянсу. Пра гэта паведамляе агенцтва Anadolu. Эрдаган 23 кастрычніка падпісаў пратакол аб уступленні Швецыі ў НАТА і накіраваў яго ў парламент Турцыі.
Фота: Getty Image
Раней Анкара выступала супраць далучэння Швецыі да НАТА, якая падала заяўку на ўступленне ў Альянс разам з Фінляндыяй у маі 2022 года. Незадаволенасць Турцыі выклікалі акцыі спалення Карана, якія праводзілі мясцовыя актывісты. Акрамя таго, Эрдаган заклікаў Швецыю выдаць прыхільнікаў «Рабочай партыі Курдыстана», якіх Анкара лічыць тэрарыстамі, а таксама скасаваць забарону на экспарт зброі ў Турцыю, уведзеную ў 2019 годзе.
У ліпені гэтага года генеральны сакратар НАТА Енс Столтэнберг заявіў, што прэзідэнт Турцыі пагадзіўся перадаць пратакол аб прыёме Швецыі ў НАТА на ратыфікацыю. Да таго часу Швецыя ўнесла неабходныя папраўкі ў Канстытуцыю, змяніла свае законы, значна пашырыла супрацоўніцтва ў барацьбе з РПК і аднавіла экспарт зброі ў Турцыю.
Чытайце таксама:
Турцыя «ветліва папрасіла» кіраўніка палітбюро ХАМАС пакінуць краіну
Лукашэнка спадзяецца, што Турцыя падставіць плячо афіцыйнаму Мінску ў няпросты перыяд
Эрдаган заклікаў лідараў краін G20 выканаць умовы Расіі, каб аднавіць збожжавую ўгоду