У Кітаі выратавалі каля тысячы катоў. Іх хацелі здаць на бойню замест свіней і бараноў
Паліцыя ў Кітаі выратавала каля 1000 катоў з грузавіка, які накіроўваўся на бойню. Жывёл перавозілі сябры банды, якія падманным шляхам прадавалі кацінае мяса пад выглядам свініны або бараніны.
Здымак ілюстрацыйны. Фота: frantsishkevich / vecteezy.com
«Без умяшання паліцыі катоў, хутчэй за ўсё, забілі б і адправілі на поўдзень, дзе іх мяса падавалі б пад выглядам шашлыкоў, а таксама каўбас», — піша CNN.
Жывёл дапамаглі выратаваць зоаабаронцы, якія заўважылі каля могілак драўляныя скрыні з катамі. Цягам шасці дзён неабыякавыя людзі назіралі за гэтым месцам, а калі ўбачылі грузавік, які прыехаў па «тавар», то выклікалі паліцыю.
Адзначаецца, што гэта не першы падобны выпадак у Кітаі.
Чытайце таксама:
У Брытаніі знайшлі котку з двума насамі
У Беларусі прапаноўваюць чыпіраваць усіх сабак і катоў
«Нікуды не сыходзіць і чакае гаспадара». У Слоніме выкінулі на сметніцу пародзістага ката