Навошта касіць траву пад снегам? Спыталі ў камунальнікаў
Відэа, як дворнікі выкошваюць з-пад снегу траву, выклалі жыхары Віцебска і Оршы. Але які сэнс гэтых работ?
У адным з віцебскіх ЖЭУ на пытанне пра зімовую касавіцу адказалі будзённа:
«Значыць, такое ўказанне зверху».
«Сітуацыя сапраўды смешная, — заўважылі суразмоўцы. — Майстру сказалі, а той дворніку загадаў. І што тут зробіш?»
У жыллёвым рамонтна-эксплуатацыйным трэсце Віцебска, якому падпарадкоўваюцца ўсе ЖЭУ горада, запэўнілі, што сезон пакосу ўжо завершаны, а інвентар здадзены на кансервацыю.
Па словах аршанскіх камунальнікаў, касіць траву ў снег выпраўляюць, калі не закрыты нейкі ўчастак.
Напрыклад, быў заказ выкасіць падворак ці «збіць траву» ўздоўж ходнікаў, але яго не выканалі, бо зламаўся рыштунак ці не было паліва.
«Адрамантаваліся, заправіліся — і на працу. Снег ці дождж — работнікі на ўчастак», — патлумачылі камунальнікі.
Глядзіце таксама:
«Белдзяржстраха» амаль 14 тысяч рублёў за кватэру. Яе цягам двух месяцаў залівала двойчы