На таргах еўра падскочыў амаль на 14 капеек, але ў абменніках — не. Як такое магчыма?
На таргах на біржы ў Мінску 3 лістапада еўра вырас на 13,53 капейкі — да 3,53 беларускага рубля. Курс Нацбанка пры гэтым застаецца на ўзроўні 3,4004.
Рэч у тым, што біржавы курс еўра не ўплывае на курс Нацыянальнага банка і, як вынік, на абменныя курсы.
Пасля таго як еўра прыбралі з валютнага кошыка, афіцыйны курс еўрапейскай валюты адносна беларускага рубля вызначаюць на падставе інфармацыі аб крос-курсе еўра да даляра ЗША на міжнародных фінансавых рынках.
Курс, які быў зафіксаваны на біржы, кажа пра тое, што была нейкая адзіная здзелка, на якой нехта набыў/прадаў еўра па курсе 3,53 рубля за адзін еўра.
Афіцыйны курс еўра ад пятніцы да аўторка ўстаноўлены на ўзроўні 3,4004. На наступную сераду, 8 лістапада, курс Нацбанка складзе 3,4064.
У абменных пунктах еўрапейскую валюту сама танна можна набыць па 3,41 рубля за 1 еўра, а сама дорага прадаць за 3,401.
Чытайце таксама:
БелАЭС абышлася ў 5,36 мільярда даляраў — Мінфін РФ
EPAM скараціў глабальную каманду на 10%. Рэлакейт амаль замарожаны
У Мінску прадаюць колішнюю прыбіральню, пра якую ўжо і забыліся
Сярэдні заробак бюджэтнікаў вырас на 39,8 рубля, але «чыстымі» работнік атрымае ўсяго 392 даляры