Расійская ракета прыляцела ў месца, дзе ўзнагароджвалі ўкраінскіх вайскоўцаў. Загінулі больш за 20 чалавек
Удар быў нанесены 3 лістапада падчас цырымоніі ўзнагароджання ў Запарожскай вобласці.
Фота: Украінская праўда
Расійская войскі 3 лістапада нанеслі ўдар ракетай «Іскандэр М» па ўкраінскіх вайскоўцах з 128-й асобнай горна-штурмавой брыгады ў Запарожскай вобласці. Ракета ўдарыла падчас цырымоніі ўзнагароджання ў гонар Дня артылерыі ў адным з прыфрантавых населеных пунктаў Запарожскай вобласці, піша «Украінская праўда».
Паводле паведамленняў СМІ, маглі загінуць больш за 20 вайскоўцаў.
5 лістапада кіраўнік вобласці Віктар Мыкіта абвясціў трохдзённую жалобу.