Ва УСУ назвалі колькасць вайскоўцаў, якія загінулі ў Запарожскай вобласці падчас узнагароджвання
128-я асобная горна-штурмавая брыгада УСУ пацвердзіла гібель 19 вайскоўцаў у выніку расійскага ракетнага ўдару па Запарожскай вобласці 3 лістапада.
У паведамленні брыгады гаворыцца, што цяпер праводзіцца праверка ўсіх абставінаў трагедыі і што за загінулых будзе помста ў 100-кратным памеры.
Пра расійскі ўдар стала вядома 5 лістапада. У прэс-службе УСУ заявілі, што 3 лістапада быў нанесены ўдар ракетай «Іскандэр-М» па вайскоўцах з 128-й брыгады.
Па звестках СМІ, гэта здарылася падчас цырымоніі ўзнагароджвання ў гонар Дня артылерыі недалёка ад лініі фронту.