У Мазыры затрыманы праваабаронца Уладзімір Целяпун
Прычыны і абставіны затрымання Уладзіміра невядомыя. Цяпер ён знаходзіцца ў ІЧУ, паведамляюць праваабаронцы.
Крыніца распавяла «Гомельскай Вясне», што ўчора мужчына планаваў ісці на прыём да суддзі Канстытуцыйнага суда ў Мазырскім выканкаме. Але на сустрэчы так і не з'явіўся і на сувязь увечары не выходзіў.
Уладзімір — ліквідатар аварыі на Чарнобыльскай АЭС і мазырскі праваабаронца, які неаднаразова спазнаваў пераслед з боку сілавікоў.