Палітзняволены Павел Вінаградаў паўгода прасядзеў у ШІЗА
Апошнія амаль 6 месяцаў з 7 Павел Вінаградаў правёў у ШІЗА з дробнымі перапынкамі. Цяпер атрымаў 2 месяцы ПКТ (памяшканне камернага тыпу). Пра гэта паведаміла ягоная жонка Святлана ў фэйсбуку.
«Свядомасць ясная, малады, прыгожы, разумны — гэта мне павукі ў ШІЗА нашапталі. Гэта строгі рэжым, тут не пякуць бульбу, тут пякуць людзей», — дадала яна.
Паўла затрымалі 22 снежня 2021 года ў прыватным доме ў Беразіне. Палітвязня абвінавацілі па арт. 130 КК (распальванне сацыяльнай варожасці), ч. 2 арт. 367 КК (паклёп на Лукашэнку) і арт. 342 КК (арганізацыя і падрыхтоўка дзеянняў, якія груба парушаюць грамадскі парадак, альбо актыўны ўдзел у іх) і асудзілі да 5 гадоў калоніі агульнага рэжыму.
Чытайце таксама:
Палітзняволены Павел Вінаградаў схуднеў у турме на 36 кілаграмаў
Паўла Вінаградава перавялі ў калонію, дзе знаходзяцца асуджаныя з адкрытай формай сухотаў
Павел Вінаградаў: Я не знайшоў нічога лепшага, як крыкнуць «Міліцыя з народам!»