Справу аб расійскай шпіёнскай сетцы ў Польшчы накіравалі ў суд
Па ёй праходзяць 16 чалавек, 15 знаходзяцца пад арыштам.
Фота: @StZaryn, Twitter
Люблінскае аддзяленне Дэпартамента арганізаванай злачыннасці і карупцыі Нацыянальнай пракуратуры ў Любліне накіравала ў суд справу аб шпіёнскай сетцы з 16 чалавек, якія працавалі на расійскія спецслужбы, піша Reform.by.
16 замежнікаў абвінавачваюцца ва ўдзеле ў арганізаванай злачыннай групе і ўдзеле ў замежнай разведвальнай дзейнасці супраць інтарэсаў Польшчы. Абвінавачаным пагражае да 10 гадоў пазбаўлення волі.
Паводле абвінавачання, групы дзейнічала са студзеня 2023 года па сакавік 2023 года ў Бяла-Падляску, Хэлме, Медыку, Пшэмысле, Жэшуве, Варшаве і іншых гарадах Польшчы.
«Абвінавачаныя ажыццяўлялі дзейнасць, у тым ліку па выяўленні крытычна важнай інфраструктуры, уключаючы ваенныя аб'екты і марскія парты. Яны інфармавалі сваіх кліентаў аб выніках сваёй выведкі, за што атрымлівалі ўзнагароду», — гаворыцца ў паведамленні пракуратуры.
15 абвінавачаных знаходзяцца пад арыштам.
Агенцтва ўнутранай бяспекі Польшчы паведамляе, што акрамя выяўлення аб'ектаў крытычнай інфраструктуры, групы маніторыла і дакументавала пастаўкі ваеннай і гуманітарнай дапамогі ва Украіну, вяла падрыхтоўку да сходу цягнікоў з рэек, а таксама вяла прапагандысцкую дзейнасць, накіраваную на распальванне настрояў супраць украінскага народа з мэтай спыніць дапамогу Польшчы Украіне.
Першыя затрыманні па справе аб шпіёнскай сетцы прайшлі ў сакавіку гэтага года. СМІ паведамлялі, што сярод затрыманых трое беларусаў: Уладзіслаў Пасміцюха, Марыя Мядзведзева, Мікалай Маскаленка. Польская пракуратура Грамадзянства абвінавачаных не паказала.
Чытайце таксама:
Прарасійскіх беларусаў, затрыманых у Польшчы, падазраюць у намеры падрываць цягнікі
Новыя падрабязнасці дзейнасці расійскай шпіёнскай сеткі, раскрытай у Польшчы