Хаўер Мілей прапанаваў Зяленскаму правесці ў Аргенціне канферэнцыю па Украіне
Зяленскі па выніках размовы піша, што падзякаваў Мілею за ягоную «дакладную пазіцыю».
Хаўер Мілей. Фота: Rodrigo Abd / AP
Новаабраны прэзідэнт Аргенціны Хаўер Мілей прапанаваў Зяленскаму правесці ў сваёй краіне мірную канферэнцыю па Украіне з удзелам краін Лацінскай Амерыкі. Пра гэта паведаміла дарадца Мілея па замежнай палітыцы Дыяна Мандзіна, піша «Политика страны».
«Абраны прэзідэнт правёў тэлефонныя перамовы з прэзідэнтам Уладзімірам Зяленскім і прапанаваў, каб Аргенціна правяла канферэнцыю паміж Лацінскай Амерыкай і Украінай», — напісала яна ў Х.
Зяленскі па выніках размовы піша, што падзякаваў Мілею за ягоную «дакладную пазіцыю».
«Ніякага балансу паміж дабром і злом. Проста відавочная падтрымка Украіны. Мы абмеркавалі, як можна развіваць адносіны паміж Украінай і Аргенцінай, а таксама сувязі Украіны з іншымі краінамі Лацінскай Амерыкі. Я праінфармаваў абранага прэзідэнта аб нашым прагрэсе ў рэалізацыі «Формулы міру» і падкрэсліў важнасць удзелу Аргенціны ў нашых сумесных мірных намаганнях», — напісаў Зяленскі.
Ён запрасіў Мілея ва Украіну.
Мілей раней хваліў пазіцыю Трампа па Украіне, і крытыкаваў Байдэна. Хаця Трамп дакладна свой план не агучваў. Але даваў зразумець, што ён мае на ўвазе тэрытарыяльныя саступкі, на што не згодны Зяленскі.
Чытайце таксама:
Новы прэзідэнт Аргенціны хоча выйсці з БРІКС, куды краіна толькі што ўступіла
Прэзідэнцкія выбары ў Аргенціне — палігон для выпрабавання магчымасцей штучнага інтэлекту