У панядзелак — суд над дзяўчынай, што вярнулася з Польшчы. Яе вінавацяць па васьмі артыкулах КК
12 верасня КДБ унёс Аляксандру Каско ў «спіс тэрарыстаў».
Аляксандра Каско — жыхарка Пружанскага раёна — была затрыманая па вяртанні з Польшчы, піша «Вясна».
Яе спачатку абвінавацілі паводле арт. 361-4 Крымінальнага кодэкса за два інтэрв'ю «інфармацыйнаму рэсурсу, які прызнаны экстрэмісцкім фармаваннем».
Затым стала вядома, што яе будуць судзіць паводле васьмі крымінальных артыкулаў:
- ч.3 арт. 130 (распальванне іншай сацыяльнай варожасці);
- ч. 3 арт. 203-1 (незаконныя дзеянні ў дачыненні да персанальных звестак);
- ч. ч. 1,2 арт. 361-1 (стварэнне экстрэмісцкага фармавання альбо ўдзел у ім);
- ч. ч. 1,2 арт. 361-4 (садзейнічанне экстрэмісцкай дзейнасці);
- ч. 2 арт. 367 (паклёп на Лукашэнку);
- ч. ч. 1,2 арт. 368 (абраза Лукашэнкі);
- арт. 369 (абраза прадстаўніка ўлады);
- арт. 391 (абраза суддзі).
12 верасня КДБ унёс Аляксандру Каско ў «спіс тэрарыстаў».
Таксама яна ўнесеная ў пералік грамадзян Беларусі, замежных грамадзян і асоб без грамадзянства, якія маюць дачыненне да экстрэмісцкай дзейнасці.
Чытайце таксама:
Ураджэнца Баранавічаў асудзілі на пяць гадоў за 100 данатаў
Сілавікі прымусілі затрыманага мінчука «прызнацца» ва ўдзеле ў стачцы
У Карэлічах арыштавалі экскурсавода Юрыя Красоўскага. Для яго гэта ўжо чацвёрты раз