Сілавікі затрымалі дырэктара аўтацэнтра Mercedes-Benz
Відэа з дырэктарам аўтацэнтра «Энергія ГмбХ» апублікаваў канал сілавікоў.
На відэа Сяргей Даніловіч гаворыць, нібыта ў 2020 годзе ён удзельнічаў у мітынгу, які на той момант не быў забаронены, і што пералічыў у фонд салідарнасці 1220 рублёў. Таксама яго прымушаюць назваць свой заробак.
Ці ўзялі мужчыну пад варту — не паведамляецца.
ТАА «Аўтамабільны дом «Энергія ГмбХ» — дыстрыбутар Mercedes-Benz у Беларусі з эксклюзіўнымі правамі на продаж Mercedes-Benz на беларускім рынку.