У Маскве адпілавалі галаву каня Ракасоўскага на гарэльефе «Парад Перамогі»
Невядомы адпілаваў галаву каня савецкага маршала Канстанціна Ракасоўскага на гарэльефе «Парад Перамогі», які знаходзіцца на Манежнай плошчы ў цэнтры Масквы. Інцыдэнт адбыўся ў ноч на 12 снежня, зламыснік уцёк з месца здарэння, піша РБК.
Фота: АГН «Масква»
Гарэльеф у памяць аб парадзе Перамогі 24 чэрвеня 1945 года на Краснай плошчы адкрылі на Манежнай плошчы, каля будынка гандлёвага цэнтра «Ахотны рад» у верасні 2023 года. Ініцыятарамі яго стварэння сталі Асамблея народаў Еўразіі і Расійскі саюз ветэранаў.
Адкрыццё помніка 3 верасня было прымеркавана да Дня Перамогі над Японіяй і заканчэння Другой сусветнай вайны. На гарэльефе выяўленыя маршалы Савецкага Саюза Георгій Жукаў і Канстанцін Ракасоўскі. Апошні камандаваў парадам Перамогі 1945 года і быў на кані па мянушцы Полюс.
Чытайце таксама:
Разведка ЗША лічыць, што Расія на вайне ва Украіне страціла 315 тысяч чалавек