У сталіцы выставілі на продаж знакавы клуб. Каштуе як аўтамабіль
Начны клуб «Бруге» на Партызанскім праспекце выставілі на продаж. У аб'яве напісана, што продаж ніяк не звязаны з дзейнасцю клуба. Аб'ява з'явілася на сайце biz4you. Realt.by расказвае, у якую суму абыйдзецца такая купля.
Фота: promoter.by
Вядомы ў Мінску клуб «Бруге» прадаецца за 20 тысяч даляраў. За гэтыя грошы пакупнік атрымае новую юрыдычную асобу (без даўгоў і гісторыі, удакладняе прадавец) і дамову арэнды памяшкання. Таксама ў кошт уваходзіць ліцэнзія на продаж алкаголю, мэбля, абсталяванне кухні і бара і старонка клуба ў Instagram, у якой цяпер 12,2 тысячы падпісчыкаў.
Начны клуб «Бруге» знаходзіцца па адрасе Партызанскі праспект, 6А. гэта за дзесяць хвілінаў хады ад станцыі метро «Пралетарская». Ён працуе з 2015 года, раней на гэтым месцы быў клуб «Піраты».
Раней «Бруге» быў вядомы частымі канцэртамі беларускіх музыкаў.