У Гродзенскім заапарку выбралі незвычайны сімвал наступнага года
У Гродзенскім заапарку напярэдадні навагодніх святаў выбралі жывы сімвал 2024 года — ігуану па імені Ася. Супрацоўнікі патлумачылі, чаму сёлета зрабілі такі выбар, і паказалі відэа ласкавай яшчаркі.
На думку супрацоўнікаў заапарка, у год Зялёнага Драўлянага Цмока ігуана Ася «як ніхто іншы падыходзіць на ролю гэтай незвычайнай міфічнай істоты».
Аднак выбралі яе ўсё ж не толькі з-за вонкавага падабенства. Асноўным крытэрыем паслужыў характар жывёліны.
«Нягледзячы на суровы выгляд, Ася мае міралюбны нораў. Па характары яна добрая, ласкавая і вельмі прыязная», — апісалі яшчарку ў Гродзенскім заапарку.
Апублікавалі і відэа, на якім бачна, наколькі Ася сапраўды спакойная і ласкавая.
Ігуана Ася нарадзілася ў 2012 годзе — у год Чорнага Вадзянога Дракона. А ў Гродзенскім заапарку яна жыве з 2020-га.
Даўжыня жывёліны — 82 см (ад кончыка носа да кончыка хваста). Улюбёныя ласункі яшчаркі — пекінская капуста, гарбуз і банан.
Дарэчы, у 2011 годзе жывым сімвалам была ігуана па імі Шурык.
Чытайце таксама:
Сяргей Зуёнак: Вуж перабраўся па балконе да суседкі і крыху напалохаў яе
Google зрабіў новую функцыю — яна шукае двайнікоў жывёл на творах выяўленчага мастацтва